Jetzt läuft:

Atomic Kitten Whole Again
  • Als nächstes läuft:

  • Um 13:25 Uhr läuft: Eric Carmen Hungry Eyes
  • Jetzt läuft:

    Atomic Kitten Whole Again
  • Davor lief:

  • Um> 13:19 Uhr lief: Al Stewart On The Border
  • Um> 13:15 Uhr lief: Robin Beck First Time
  • Um> 13:12 Uhr lief: Alvaro Soler Magia
  • Um> 13:08 Uhr lief: T. Rex Hot Love
  • Um> 13:05 Uhr lief: Soulsister The Way To Your Heart
  • Um> 12:52 Uhr lief: John Waite Missing You
  • Um> 12:49 Uhr lief: Amanda Lear Follow Me
  • Um> 12:45 Uhr lief: Bryan Adams Heaven
  • Um> 12:40 Uhr lief: Purple Disco Machine Feat. Sophie & The Giants Hypnotized

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 16. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 16. November 2022

Weer woll een Rakeet ut de Ukraine, de Polen drapen hett +++ Mehrheit in de G20 Staaten verurdeelt Ukraine-Krieg +++ „Artemis“-Testflug mit Erfolg startet +++ Streik to’n Wahrschaun vun de IG Metall soorgt för Staus in Bremen +++ Klima-Protest an School in Bremerhaben is to Enn +++ Dat Weer

Bild: Radio Bremen

Informationen zum Audio

Weer woll een Rakeet ut de Ukraine, de Polen drapen hett

Warschau – Na dat Inslaan vun een Rakeet in Polen gifft dat Henwies, dat dat een Flugafwehr-Rakeet ut de Ukraine wesen is. Jüst sowat hett US-Präsident Biden op dat G20-Drepen op Bali vermellt. De Rakeet weer güstern in een polnisch Dörp in’t Grenzrebeet to de Ukraine inslaan. Twee Minschen sünd üm’t Leven kamen.

Mehrheit in de G20 Staaten verurdeelt Ukraine-Krieg

Nusa Dua – Bi’n G20-Drepen op Bali hebbt de Staats-un Regeernbaas vun de wichtigst Industrielänner un de Länner, de op’n Weg na baben sünd, een gemeensam Afslussverklaren besluten. Darin verurdeelt de grode Mehrheit vun de G20- Staaten dat russische Angriepen vun de Ukraine un den Krieg op dat Scharpste. Se hebbt buterdem de slimmen Folgen för de Versorgung, de Sekerheit vun de Energie un de Stütt vun de hele Welt rutstellt. Dat Russland nich düsse Meen is, is ok to Protokoll nahmen worrn.

„Artemis“-Testflug mit Erfolg startet

Cape Canaveral – De Nasa hett ehrn ersten Testflug för de Mondmission „Artemis 1“ startet, nadat se dat een paar mal veerschuven mussen. Vun’n Weltruumbahnhoff Cape Canaveral in Florida is een Rakeet mit de Kapsel „Orion“ mit nümms an Boord afhoben. Se ward vun een Modul bedrieven, dat vun Airbus in Bremen kummt. 2025 schüllt in’n Rahmen vun‘n Artemis-Opdrag wedder Minschen to’n Mond flegen.

Streik to’n Wahrschaun vun de IG Metall soorgt för Staus in Bremen

Bremen – De Gewarkschupp IG-Metall hett teindusende Arbeiters in ganz Norddütschland för vundaag to een Streik to’n Wahrschaun opropen. In Bremen löppt dree Töög vun Lüüd, de op de Straat gaht, in Richt Hastedter Osterdiek. An de Krüzung to de Karl-Carstens-Brügg gifft dat hüüt Middag dat Drepen to’n Afsluss. De so nöömte Eerdbeer-Brügg ward darför dichtmaakt.

Klima-Protest an School in Bremerhaben is to Enn

Bremerhaben – De Klima-Protest an de Bremerhabener Geschwister-Scholl-School is to Enn. Bit to 35 Aktivisten ünner annern vun „Fridays For Future“ harrn de Aula vun de School siet Anfang vun de Week besett un ok in de School slapen. As de Polizei vermellt, hebbt all Aktivisten den Boo an‘n Abend verlaten.

Dat Weer

Un nu een Blick op dat Weer: in Bremen un Bremerhaven 8, op Wangerooge 9 un in Deefholt sünd dat opstunns 10 Graad. Hüüt Vörmiddag fallt meist överall Duerregen, erst an’n Namiddag regent dat vun’t Ollenborger Münsterland her weniger un dat kann ok mal oplockern. In Bremen blifft dat woll gries un to de Elv hen ward dat erst an’n Abend dröger – bi Temperaturen vun 9 bit 12 Graad. Tokamen Nacht is dat erst noch locker wulkig, gau treckt man Nevel op un dicke Wulken kummt ok darto, man dat blifft meist dröög. Dat Thermometer sackt op 7 bit 5 Graad. Morrn treckt bi dicken Wulken Regen över dat Land, bi 9 bit 11 Graad. Freedag gries un af un an kummt dat natt vun baben, twüschen Werser un Elv is to’n Deel an’n Namiddag ok natter Snee darbi, bi 4 bit 10 Graad. Dat weern de Narichten op Platt. Irene Lottes hett se tohoopstellt. Op platt trechtmaakt un vörleest hett se Heidi Jürgens.