Jetzt läuft:

Elvis Presley In The Ghetto
  • Als nächstes läuft:

  • Um 13:42 Uhr läuft: Shawn Mendes Stitches
  • Jetzt läuft:

    Elvis Presley In The Ghetto
  • Davor lief:

  • Um> 13:31 Uhr lief: Don Henley The Boys Of Summer
  • Um> 13:25 Uhr lief: Eric Carmen Hungry Eyes
  • Um> 13:22 Uhr lief: Atomic Kitten Whole Again
  • Um> 13:19 Uhr lief: Al Stewart On The Border
  • Um> 13:15 Uhr lief: Robin Beck First Time
  • Um> 13:12 Uhr lief: Alvaro Soler Magia
  • Um> 13:08 Uhr lief: T. Rex Hot Love
  • Um> 13:05 Uhr lief: Soulsister The Way To Your Heart
  • Um> 12:52 Uhr lief: John Waite Missing You

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 15. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 15. November 2022

De eerste düütsche LNG-Anlegger maakt op +++ För de Bunnsärztekamer is dat in Ornung de Isolatschonsplicht bi Corona wegtonehmen +++ G 20 Topdrepen hett anfungen +++ UNO: Vun hüüt af an mehr as 8 Millarden Minschen +++ Space-Tech-Expo fangt an +++ Dat Weer

Bild: Radio Bremen

Informationen zum Audio

De eerste düütsche LNG-Anlegger maakt op

Willemshaben: In de Stadt is hüüt de eerste Anlegger för Spezialschipp mit Natteerdgas in Düütschland opmaakt wurrn. De Boarbeiden duerten man blots wenige Maande. An den Anlegger köönt in Tokunft Schipp fastmaken, de natts Eerdgas vun Tankshipps opnehmen un an Bord wedder gasförmig maakt. Achteran warrt dat in dat Versorgungsnettwark geven un över de Pipelines wiederverdeelt. Dat Natteerdgas is en wiederen Stapp sik lostoseggen vun de Afhangigkeit vun russchen Energie-Frachten. Betnu geev dat in Düütschland noch keen LNG-Terminals, all to hoop schüllt dat fief geven.

För de Bunnsärztekamer is dat in Ornung de Isolatschonsplicht bi Corona wegtonehmen

Berlin: För de Bunnsärztekamer ist dat in Ornung, de Isolatschonsplicht för Lüüd wegtonehmen de sik mit Corona ansteken hebbt. Präsident Reinhardt see to de „Reihnschen Post“: Annere europäsche Länner de düssen Stapp ok al maakt hebbt, wiest us düsse Insichten. De Isolatschoonsplicht is middelwiel to veel bi en Infektschoon, vunwegen de trüchgahn Tahlen un de meist lütten Krankheitsteken. Reihnhardt see aver ok, dat in ganz Düütschland dat sülvige gellen schüllt. Schleswig-Holsteen, Bayern, Baden-Württemberg un Hessen hebbt künnig maakt, de Isolatschoonsplicht för Lüüd de sik mit Corona ansteken hebbt bold wegtonehmen.

G 20 Topdrepen hett anfungen

Nusa Dua: Op de indoneschen Insel Bali hett dat G-20-Top-Drepen anfungen. Ehrder den Start, hebbt sik de europäsche Union un de annern 19 Spitzen-Weertschopsmächte op dat Papeer för en Afslussverkloren eenigt. Dor steiht binnen, dat de mehrsten Liddmaaten den Krieg in de Ukraine böös verdammen. Russland warrt opfordert, sien Suldaaten bats op de Steed ut de Ukraine ruttohalen. Op de Positschoon vun Russland warrt mit den Satz ingahn, dat dat bi de Beweertung vun düsse Laag ok annere Menungen gifft.

UNO: Vun hüüt af an mehr as acht Millarden Minschen

Nee York: De Vereenigten Natschoon reken dormit, dat vun hüüt af an över acht Millarden Minschen op de Eer leevt. Siet 1950 wurr de Tahl vun Minschen op de Eer op dat Dreefache hoochsett. Dat liggt woll doran, dat de Gesundheitsversorgen, dat Eeten un Drinken un de Hygiene beter sünd, man ok, dat de Medizin vörankaamt, seen de Vereenten Natschoon.

Space-Tech-Expo fangt an

Bremen: Hüüt fangt in de Stadt de Ruumfohrtmess Space-Tech-Expo an. Dat is de gröötste Fachmess vun dat Wirtschaftsfeld in Europa. De Utrichter rekent dormit, dat mehr as 500 Ünnernehmen un rund 5000 Fachlüüd dorbi sünd. Bi de Fachmess geiht dat dree Daag lang dorüm, wat sik bi dat Ruumfohrtweertschaftsfeld doon hett un in Tokunft deit. De Fachlüüd wüllt ok ünnern annern doröver snacken, wo dat op lange Sicht mit de Energie un mit den Weltruumschrott wiedergeiht.

Dat Weer

Un nu kiekt wi op dat Weer: In Bremerhaben un Emm sünd dat 11 Graad un in Bremen un Cloppenborg hebbt wi opstunns 12 Graad. Hüüt fangt de Dag mit dicken Wulken un daakig an. Övern Vörmiddag kann in süüden vun Bremen un umto ok mal de Sünn vörbikieken, an´n Namiddag schafft se dat villicht ok mal an de Küst. To glieke Tiet rullen aver vun süüden her nee´e Wulken ran, so dat meist dicke Wulken an Heven sünd. Meist blifft dat dröög, blots en paar lütte Schuers sünd mööglich. De Wind weiht flau bet in Maaten vun de süüd- bet süüdoosten Kant. Dat Thermometer wiest us 12 bet 14 Graad. In de Nacht hangt de Heven vull Wulken un dat fangt an to pladdern, in de tweeten Nachthälvt kaamt de Regen ok an de Elv an, dor kann dat ok wat länger duern un dat denn bi 10 bet 8 Graad. Morgen pladdert dat in manche Rebeete in ene Tour, in Richtung Emsland un westlich vun de Werser warrt de Regen weniger. Na´n Middag hen sünd dor un in´t Ollenborger Münsterland ok mal blau mang de Wulken mööglich. An Namiddag wesseln sik denn in oosten vun de Werser Sünn un Wulken af un dat blifft meist dröög. Dat Thermometer wiest us denn 9 bet 11 Graad.

Dat weren de Plattdüütschen Narichten. Tohoopstellt vun Ulrike Müller. Op Platt trechtmaakt un vörleest vun Martina Brünjes.