Jetzt läuft:

Taco Puttin' On The Ritz
  • Als nächstes läuft:

  • Um 13:54 Uhr läuft: Mariah Carey All I Want For Christmas Is You
  • Jetzt läuft:

    Taco Puttin' On The Ritz
  • Davor lief:

  • Um> 13:45 Uhr lief: Clout Substitute
  • Um> 13:42 Uhr lief: Shawn Mendes Stitches
  • Um> 13:36 Uhr lief: Elvis Presley In The Ghetto
  • Um> 13:31 Uhr lief: Don Henley The Boys Of Summer
  • Um> 13:25 Uhr lief: Eric Carmen Hungry Eyes
  • Um> 13:22 Uhr lief: Atomic Kitten Whole Again
  • Um> 13:19 Uhr lief: Al Stewart On The Border
  • Um> 13:15 Uhr lief: Robin Beck First Time
  • Um> 13:12 Uhr lief: Alvaro Soler Magia

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 14. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 14. November 2022

Bunnsraat stimmt över Börgergeld un Noothölp för Gaskunnen af +++ Mehrere Lüüd fastnahmen na Anslag in Istanbul +++ Jümmer mehr Lüüd ut Ukraine findt Arbeit

Bild: Radio Bremen

Informationen zum Audio

Bunnsraat stimmt över Börgergeld af

Berlin: De Bunnsraat stimmt hüüt över dat Inrichten vun dat Börgergeld af, dat de Bunnsregeern plaant hett. De Union lehnt de Reform af. Mit dat „Nee“ vun CDU un CSU köönt de Länner, de vun de Union regeert ward, in de Lännerkamer för’t Eerste en P vör den Plaan setten. Denn kann dat angahn, datt de Utschuss to’n Vermitteln anropen ward. Dormit fallt aver ok de Schangs dat Börgergeld so as plaant bet to’n Johreswessel intorichten. 

Bunnsraat snackt över Noothölp för Gaskunnen

Berlin: De Bunnsraat stimmt in sien Extra-Drapen bavento ok över de Eenmal-Noothölp för Gas- un Fernwarmskunnen af. De Bunnsregeern hett dorför negen Milliarden Euro inplaant, üm dat Afslaggeld in’n Dezember to övernehmen. Dat schall uthölpen, bet de Gaspriesbrems gellt. Opstünns ward de Priesdeckel woll nich vör Februar insetten.    

Mehrere Lüüd fastnahmen na Anslag in Istanbul

Istanbul: Na den Bombenanslag in en Inkoopsstraat sünd middewiel mehr as 20 Lüüd fastnahmen worrn. Dat hebbt de Behörden vermellt. Dat Binnenministerium geiht dorvun ut, datt dor Kontakte to de kurdischen Terrororganisatschoon PKK bestaht. Toeerst hebbt de Beamten en Fro fastnahmen, de se op’n Kieker harrn, denn se hett an düsse Steed för en längere Tiet op en Bank seten un is eerst kort vör de Explosion opstahn. Bi den Anslag sünd söss Minschen doodbleven un mehr as 80 versehrt worrn.

Jümmer mehr ukrainsche Flüchtlinge findt Arbeit

Hannover: Jümmer mehr Minschen ut de Ukraine ward in Bremen un Neddersassen in’n Arbeitsmarkt insett. De Tall vun Lüüd ut de Ukraine ahn Arbeit geiht daal. Dat hett de Regionaaldirekschoon vun de Bunnsagentur för Arbeit in Hannover vermellt. Vun März bet Oktober hebbt in Neddersassen meist 1.800 ukrainsche Flüchtlinge Arbeit funnen, in Bremen weern dat meist 180.

Neddersassen stellt Dunkelfeld-Studie över Verbreken vör

Hannover: Neddersassens Binnenminister Pistorius stellt an’n Middag de veerte Dunkelfeld-Studie vun’t Landskriminaalamt vör. Na fröheren Angaven geiht dat vör allen üm Gewalt to Huus. Dorto hebbt meist 40.000 Minschen in Neddersassen Fraagbagen vun’t Landskriminaalamt kregen. Dormit wüllt se sik en Bild vun de Fallen maken, de nich bi de Polizei mellt oder ünnersöökt worrn sünd.

Dat Weer

Un nu en Blick op dat Weer: In Deefholt un Möppen 5, in Bassum 6, in Bremen un Bremerhaben 7, un in Cuxhaben sünd dat opstünns 8 Graad. Hüüt Vörmiddag hollt sik de deep hangenden Wulkenfeller, de sik later mehr un mehr oplöst un över de Noordsee aftreckt. Vun’t Ollenborger Münsterland her ward dat fründlich, un so schient an’n Middag un Namiddag de Sünn bi 9 bet 11 Graad. In de Nacht is dat eerst licht wulkig, later treckt vun Noordrhein-Westfalen un dat Emsland her mehr un mehr dichte Wulken op. Denn kann dat Westen de Werser op enkelte Druppen geven bi 8 bet 6 Graad. Morgen is dat meisttiets wulkig, un de Sünn is blots af un an to sehn. An’n Namiddag lockert dat op, un de Sünn hett betere Schangsen. Meisttiets blifft dat dröög bi 12 bet 14 Graad.

Dat weern de Narichten op platt. Tohoopstellt hett se Irene Lottes. Op Platt trechtmaakt un vörleest vun Marc Gelhart.