Jetzt läuft:

Stevie Wonder Part-Time Lover
  • Als nächstes läuft:

  • Um 14:09 Uhr läuft: Sunrise Avenue Heartbreak Century
  • Jetzt läuft:

    Stevie Wonder Part-Time Lover
  • Davor lief:

  • Um> 13:57 Uhr lief: Air Supply All Out Of Love
  • Um> 13:53 Uhr lief: Mariah Carey All I Want For Christmas Is You
  • Um> 13:50 Uhr lief: Taco Puttin' On The Ritz
  • Um> 13:45 Uhr lief: Clout Substitute
  • Um> 13:42 Uhr lief: Shawn Mendes Stitches
  • Um> 13:36 Uhr lief: Elvis Presley In The Ghetto
  • Um> 13:31 Uhr lief: Don Henley The Boys Of Summer
  • Um> 13:25 Uhr lief: Eric Carmen Hungry Eyes
  • Um> 13:22 Uhr lief: Atomic Kitten Whole Again

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 11. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 11. November 2022

Noothölp för Gaskunnen besluten +++ Bunnsdag brengt Sorteer-Gesetz op den Weg +++ Söder will Maskenplicht in Bahnen kippen +++ Hunnertdusend Euro Schaden bi Füer in Deepgaraasch +++ Binnenschipp havereert in´n Fischereehaven +++ Dat Weer

Bild: Radio Bremen

Informationen zum Audio

Noothölp för Gaskunnen besluten

Berlin. Gas- un Fernwarmtekunnen mööt in´n Dezember dat Afslaggeld för een Maand nich betahlen. De Bunnsdag hett an´n Avend de Noothölp för en poor Milliarden afnickt. De Verlichten för een Mal schall as Uthölp denen, bit de Gaspriesbrems woll in´n Märzmaand anfangt.

Bunnsdag brengt Sorteer-Gesetz op den Weg

Berlin. De Bunnsdag hett dat Gesetz för de – as dat nöömt warrt – Triage besloten. Dat gellt för den Fall, dat op en Intensivstatschoon de Bedden un dat Personaal nich för all Nootfallen to desülvige Tiet langen. Regeln as dat Öller or Maleschen dröfft denn bi de Entscheden över de Reeg vun de Behanneln kien Rull spelen.

Söder will Maskenplicht in Bahnen kippen

München. De Ministerpräsident vun Bayern, Söder, will de Maskenplicht in Töög kippen. Dat is nich to verstahn, woso dat de Plicht in de Bahn gifft, in den Fleger aver nich, see he den Zeitungen vun de Funke-Mediengrupp. Düütschland is nu in en Tiet, in de jedeen mehr sülvst regeln mutt. Dat schall na vörn rücken. In Krankenhüüs un Heimen för ole Lüüd mutt man wieder besünners vörsichtig ween.

Hunnertdusend Euro Schaden bi Füer in Deepgaraasch

Hu´e. In den Ortsdeel Ihlpol hett dat an´n Avend in de Deepgaraasch vun en grode Wohnhuus en Füer geven. Bi en Auto weer technisch wat twei. Dorüm hett dat Füer fungen. De Wagen is heel un deel utbrann. 35 Fohrtüüch hebbt wat afkregen. Söss Minschen hebbt sick mit Rookgas vergiften. Dat vermellt de Füerwehr. De Schaden liggt bi en hogen Bedrag mit söss Steden.

Binnenschipp havereert in´n Fischereehaven

Bremerhaben. In den Fischereehaven is an´n Namiddag en Binnenschipp havareert. As de Füerwehr vermellt, weer Water in dat Schipp indrungen un Ööl utlopen. De Hölpslüüd hebbt dusend Liter smerig Water mit Ööl ut den Rump pumpen. Woso dat Schipp havareerde weet se noch nich, ok nich, of dat noch fahren kann.

Dat Weer

Un nu noch en Blick op dat Weer: in Meppen negen, an’n Bremer Flegerhaben thein, in Bremerhaben twölf un in Dörbern sünd dat opstunns thein Graad. Hüüt Vörmiddag sünd vele Wulken an´n Heven. Dat blifft aver dröög. Af den Middag schafft dat de Sünn mehr un mehr dör de Wulken. De Wind weiht en beten vun de süüdwesten Kant. An de Küst to´n Deel frisch. Dat Thermometer wiest 13 bit 15 Graad. In de Nacht kann man de Steerns an´n Heven funkeln sehn. Hier un dor kann Nevel opdükern. De Luft köhlt sick op twee bit acht Graad af. Morn fröh löst sick de Nevel op un de Sünn lacht neven en poor Wulken an´n Heven. Dat blifft dröög bi 12 bit 13 Graad. Sünndag: Sünnschien, en poor Wulken, man dat blifft dröög bi thein bit twölf Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Markus Weise.