Jetzt läuft:

Johnny Nash Stir It Up
  • Als nächstes läuft:

  • Um 14:20 Uhr läuft: Titiyo Come Along
  • Jetzt läuft:

    Johnny Nash Stir It Up
  • Davor lief:

  • Um> 14:13 Uhr lief: Jennifer Rush Ring Of Ice
  • Um> 14:08 Uhr lief: Sunrise Avenue Heartbreak Century
  • Um> 14:05 Uhr lief: Stevie Wonder Part-Time Lover
  • Um> 13:57 Uhr lief: Air Supply All Out Of Love
  • Um> 13:53 Uhr lief: Mariah Carey All I Want For Christmas Is You
  • Um> 13:50 Uhr lief: Taco Puttin' On The Ritz
  • Um> 13:45 Uhr lief: Clout Substitute
  • Um> 13:42 Uhr lief: Shawn Mendes Stitches
  • Um> 13:36 Uhr lief: Elvis Presley In The Ghetto

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 10. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. November 2022

Bunnsdag stimmt af över Börgergeld un Wahngeld +++ US-Präsident Biden mit Halftietwahlen tofreden +++ Russlands Präsident Putin is bi G20 nich mit bi +++ Keen Bus in Bremerhaven +++ Perzess geiht los gegen Mann mit Armbost +++ Dat Weer

Bild: Radio Bremen

Informationen zum Audio

Bunnsdag stimmt af över Börgergeld un Wahngeld

Berlin: In den Bunnsdag snackt se vundaag um Punkten, de bi de Bunnsregerung ganz bavenan staht. Eerst güng dat um dat Börgergeld. In’t ne’e Johr schall dat för Hartz-IV kamen. De Union kunn dor aver in den Bunnsraat en P vör setten. An’n Middag kaamt in den Bunnsdag ne’e Grenzen bi de Inkamenstüer op den Disch. Dor wüllt se dat mit opfangen, wat de hoge Inflatschoon utlösen deit. Afstimmen wüllt se ok över dat nee opstellte Wahngeld.

US-Präsident Biden mit Halftietwahlen tofreden

Washington: US-Präsident Biden meent: De Kongress-Wahlen hebbt de Demokratie in sien Land düchtig Wind vun achtern geven. Vun en rote Well, dat also de Republikaners kloor mehr Stimmen kriegt, weer nix vun nableven, meen Biden. In den Senat geiht dat knapp to, in’t Repräsentatenhuus hebbt de Republikaners kloor de Nees vörn.

Russlands Präsident Putin is bi G20 nich mit bi

Bali: De russsche Präsident Putin warrt bi dat G20-Top-Drepen nich mit bi ween. Dat hett de Regerung in Indonesien künnig maakt. Wenn de twintig groten Industrielänner tohoopkaamt, övernimmt Butenminister Lawrow den Part för Russland. Bi dat Drepen steiht de russsche Krieg gegen de Ukraine ganz bavenan.

Keen Bus in Bremerhaven

Bremerhaven: Den ganzen Dag lang fohrt vundaag in Bremerhaven keen Bus. Ok de Schölerbus blifft stahn. Fröh an’n Morgen hett en Warnstreik anfungen, de een Dag lopen schall. Bi dat Verhanneln um de Tarifen verlangt de Gewarkschap verdi 13 Perzent mehr Geld för de sowat 180 Mitarbeiders. Bremerhaven Bus harr annerletzt anbaden: As Utgliek för de Inflatschoon schall dat 120 Euro den Maand geven.

Perzess geiht los gegen Mann mit Armbost

Bremen: Vun hüüt op an steiht en Mann vun 21 Johr bi dat Landgericht vör’t Brett. Dat geiht um Gewalt an’t Lloyd-Gymnasium. Seggt warrt: Wat de Mann maakt hett, dat weer versöchten Moord. He hett woll in’n Mai mit en Armbost op en Mitarbeiterin vun de School schaten. De weer so to Schaden kamen, dat dat um Leven un Doot güng.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven, Bevers un Deefholt överall 11 Graad. Vundaag: En lütt beten Sunnschien, denn aver ok dichte Wulken. Meisttiets dröög. Dat Thermometer krabbelt op 13 bet 15 Graad. De Wind dorto weiht in Maten un in deegte Böen vun de süüdwesten Kant, an de See ok frisch. Tokamen Nacht: Blots wenige Wulken, un dröög blifft dat ok. Gegen Morgen hangt de Wulken langs de Küst teemlich deep. Bi 11 bet 8 Graad. Morgen lacht de Sünn vun’n Heven, mit en Handvull lütte Wulken. Dröög. Blots langs de Küst blievt de depen Wulken noch bet Middag, denn aver treckt ok de af. Dat Ganze bi 13 bet 15 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Irene Lottes.