Jetzt läuft:

Titiyo Come Along
  • Als nächstes läuft:

  • Um 14:24 Uhr läuft: The Cars Drive
  • Jetzt läuft:

    Titiyo Come Along
  • Davor lief:

  • Um> 14:17 Uhr lief: Johnny Nash Stir It Up
  • Um> 14:13 Uhr lief: Jennifer Rush Ring Of Ice
  • Um> 14:08 Uhr lief: Sunrise Avenue Heartbreak Century
  • Um> 14:05 Uhr lief: Stevie Wonder Part-Time Lover
  • Um> 13:57 Uhr lief: Air Supply All Out Of Love
  • Um> 13:53 Uhr lief: Mariah Carey All I Want For Christmas Is You
  • Um> 13:50 Uhr lief: Taco Puttin' On The Ritz
  • Um> 13:45 Uhr lief: Clout Substitute
  • Um> 13:42 Uhr lief: Shawn Mendes Stitches

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 9. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 9. November 2022

Noch nix kloor bi de Halftiet-Wahlen in de USA +++ Grootbritannien: De eerste Minister geiht ut sien Amt +++ Flüchtlinge dröfft in Sizilien an Land +++ Bremen will Utbildungs-Geldputt +++ Junge Lüüd denkt in’t Bremer Raathuus trüch an Riekspogromnacht +++ Dat Weer

Bild: Radio Bremen

Informationen zum Audio

Noch nix kloor bi de Halftiet-Wahlen in de USA

Washington: Bi de US-Halftiet-Wahlen is noch nich kloor, wokeen de mehrsten Stöhl in den Kongress kriggt. Bi de Republikaners un jüst so bi de Demokraten köönt mehrere Afgeordnete un Gouverneure op jümehr Posten sitten blieven. Man dor kann jümmers noch bi rutsuern, dat Präsident Biden sien Partei in beide Kamern vun’t Parlament nich mehr de mehrsten Stimmen hett. As dat nu utsüht, hebbt de Demokraten aver överall in't Land mehr Stimmen kregen, as de vörher dacht hebbt.

Grootbritannien: De eerste Minister geiht ut sien Amt

London: In Grootbritannien is den neen Premierminister Sunak sien eerste Minister quitt gahn. Staatsminister Williamson is ut sien Amt gahn, he harr in’t Kabinett keen Ressort. Den Mann vun de Konservativen harrn se Mobbing vörsmeten un he harr de letzten Daag böös Wind vun vörn kregen.

Flüchtlinge dröfft in Sizilien an Land

Catania: Op Sizilien dröfft mehr as 200 Lüüd op de Flucht vun de Seenoot-Rettungsscheep „Geo Barents“ un „Humanity 1“ daal. Gesundheitsbehörden in Italien seggt: Dat is vunwegen dat Minschenrecht. Noch an’t Wekenenn harrn se seggt: De Lüüd dröfft nich vun Boord. Dat weer trüchgahn op en Dekret vun den neen italienschen Binnenminister.

Bremen will Utbildungs-Geldputt

Bremen: De Bremsche Senat hett den Kurs fastleggt för en Utbildungs-Geldputt. All Unnernehmen in’t Land, bi de mehr as fief Lüüd arbeiden doot, schüllt in den Putt wat inbetahlen. Mit dat Geld will dat Land mehr Utbildungssteden inrichten un junge Lüüd, de keen Lehrsteed kregen hebbt, beter för de Arbeitswelt trecht maken. De Hanneskamer un de Kreishandwarkschaften wohrschaut: De Politik schull de Bedrieven nich noch mehr Lasten opdrücken.

Junge Lüüd denkt in’t Bremer Raathuus trüch an Riekspogromnacht

Bremen: In’t Bremer Raathuus geiht vunavend de 25. Nacht vun de jungen Lüüd los. Mit Musik, Kunst, Vördrääg un Snack-Runnen denkt de jungen Minschen trüch an de Riekspogromnacht an den 9. November 1938. Inge Berger, de Fro hett den Holocaust överleevt, schall as Ehrengast mit Video ut Nee York dor mit bi ween.

Dat Weer

Un woans süht dat mit dat Weer umto ut? Opstunns hebbt wi in Emm 12 Graad, in Bremen un Bremerhaven sünd dat 13 un in Rotenborg 14 Graad. Vundaag: Sunnschien, mit vele Wulken dortwüschen. De een oder anner Schuer treckt dör – mehr an de Küst as in’t Binnenland. Na’n Avend schuert dat överall, an de See ok mit Blitz un Dunnerslag. Dat Thermometer krabbelt op 14 bet 16 Graad. De Wind dorto weiht in Maten un in deegte Böen vun de süüdwesten Kant, an de See frisch mit bullerige Böen. Tokamen Nacht treckt dichte Wulken dör, un de bringt ok en poor Schuer mit. An de Küst pladdert dat mehr. In de Nacht lockert de Wulken vun’t Emsland her wat op, denn treckt de Schuer na Oosten hen af. Bi 10 bet 7 Graad. Morgen: Hier un dor noch Wulkenplacken, an de See kann’t ok pladdern. Anners lockert dat op, un dat blifft dröög. Dat Ganze bi 13 bet 15 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Katrin Martens.